Զարմանալի է տեսնել, թե որքան մոտ են երկու կողմերի մարտական դիրքերը բնակեցված վայրերում․ միջազգային ճգնաժամային խմբի նախագահ
Եթե Բաքուն և Երևանը ներգրավեն ԵՄ դիտորդական առաքելությանը, այն
կարող է օգնել կանխել միջադեպերն ու տալ անդրսահմանային նախագծերում համագործակցության
մեկնարկը․ այս մասին X-ի իր
միկրոբոլոգում գրել է Միջազգային ճգնաժամային
խմբի նախագահ Քոմֆորտ էրոն Հայաստանում ԵՄ քաղաքացիական դիտորդական առաքելության հետ
պարեկություն իրականացնելու ժամանակ։
«Զարմանալի
է տեսնել, թե որքան մոտ են երկու կողմերի մարտական դիրքերը բնակեցված վայրերում։
Ողջունելի է Հայաստանում առաքելության անձնակազմի ավելացման ԵՄ որոշումը։ Գյուղացիները
դեռ հաճախակի կրակոցներ են լսում, սակայն վերջին ամիսներին զոհերի թիվը նվազել է»,-գրել
է Քոմֆորտ Էրոն։
Նան նշել է նաև, որ ճգնաժամային խումբը երկու կողմերին կոչ է անում
վերադառնալ խաղաղ բանակցություններին, այդ թվում՝ սահմանների սահմանազատմանը։
«Արևմտյան գործընկերների՝ զարգացումներին հետևելու ջանքերը կարևոր
միջոց են բանակցությունների համար պայմաններ ստեղծելու առումով», – գրել է Միջազգային
ճգնաժամային խմբի նախագահը։
