Ալիևը հայտարարել է, որ Նախիջևանի վրա ԱԹՍ-ների «հարձակումը համարում է Ադրբեջանի դեմ ուղղված ահաբեկչական հարձակում»
Ադրբեջանի նախագահ Իլհամ Ալիևի գլխավորությամբ տեղի է ունեցել Անվտանգության խորհրդի նիստ՝ երկրի օդային տարածքում հայտնված ԱԹՍ-ներից հետո․ հայտնում է ТАСС-ը։
Նա նշել է, որ իրանական կողմը պետք է բացատրություն տա Ադրբեջանին և ներողություն խնդրի։
Ալիևը հայտարարել է, որ Նախիջևանի վրա իրանական անօդաչու թռչող սարքերի «հարձակումը համարում է Ադրբեջանի դեմ ուղղված ահաբեկչական հարձակում»։
Ավելին, նա նշել է, որ իրանական անօդաչու թռչող սարքերը թիրախավորել են քաղաքացիական թիրախներ։
Իրանական կողմն արդեն հերքել է կատարվածը և մեղադրել Իսրայելին։
