Ադրբեջանի զորամասերը բերվել են մարտական պատրաստության․ ՊՆ
Ադրբեջանի զորամասերը բերվել են մարտական պատրաստության և տեղակայվել են մարտական դիրքերում․ այս մասին հայտարարել է Ադրբեջանի պաշտպանության նախարարությունը։
«Զորահավաք հայտարարելիս Զինված ուժերը բերվում են լիակատար մարտական պատրաստականության վիճակի: Միաժամանակ սկսվում է պահեստազորում գտնվող զինծառայողների մոբիլիզացիա: Զորահավաքային միջոցառումների շրջանակում՝ զորամասերը դուրս են բերվում մարտական դիրքեր կամ նախապես որոշված վայրեր: Նման միջոցառումներն ուղղված են բանակի օպերատիվ պատրաստականության ապահովմանը և հնարավոր սպառնալիքներին արագ արձագանքելու կարողությանը»,- ասված է հայտարարության մեջ։
