Նորատուսում իրավիճակը պայթյունավտանգ է. բերման է ենթարկվել 20 ձկնորս

Գեղարքունիքի մարզի Նորատուս գյուղում գիշերվանից իրավիճակը լարված
է։ Բախումներ են տեղի ունեցել ոստիկության և ձկնորսների միջև։ Բերման է ենթարկվել Նորատուսի
շուրջ 2 տասնյակ բնակիչ, այդ թվում՝ անչափահասներ:

«Հիմա գյուղում իրավիճակը պայթունավտանգ է։ Գյուղից դուրս գալ չի լինում, կարմիրբերետավորները
գյուղում գնում-գալիս են ու գյուղացիներին թույլ չեն տալիս դուրս գալ գյուղից։ Դուրս
եկողներին հավաքում, տանում են»,- ABC Media-ի հետ զրույցում ասաց Նորատուսի բնակիչ
Բագրատ Մարտիրոսյանը։

Մարտիրոսյանի փոխանցմամբ՝ երեկ ոստիկանապետը
մոտեցել է գյուղի ձկնորսներին ու պնդել, որ դադարեցնեն ձկնորսությունը։

«Գյուղացիները խնդրել են, որ մինչև ամսի
30 թողնեն աշխատենք, իսկ ամսի 30-ին դուրս կգանք։ Ոստիկանապետն էլ ասել է, որ մինչև
երեկո մեզ պատասխան կտա, բայց նրա գնալուց հետո ոստիկանական ուժերը շատացան գյուղում։
Մոտավոր 15-16 ավտոբուս կարմիրբերետավորներին բերել են ու մոտ 20 հոգու բերման են ենթարկել»,-նշեց
նա։

Նորատուսի բնակչի խոսքով` այս պահին իրավիճակը
շարունակվում է մնալ լարված, ոստիկանական ուժերը դեռ գյուղում են։ Բնակիչներն էլ դեռ
չեն պատկերացնում իրենց հետագա անելիքները, ասում են՝ ձկնորսությունը իրենց օրվա հացի
միջոցն է։