Կոսովոյի նախագահը լուծարել է խորհրդարանը և արտահերթ ընտրություններ նշանակել
Կոսովոյի նախագահ Վյոսա Օսմանին լուծարել է խորհրդարանը՝ նշանակելով արտահերթ ընտրություններ․ գրում է Reuters գործակալությունը։
Որոշումը կայացվել է այն բանից հետո, երբ օրենսդիրները սահմանված ժամկետում չեն կարողացել ընտրել պետության նոր ղեկավար։
Նշվում է, որ քայլը խորացնում է Եվրոպայի ամենաերիտասարդ պետության քաղաքական փակուղին։ Խորհրդարանը նախագահ ընտրելու համար ժամանակ ուներ մինչև հինգշաբթի կեսգիշեր, սակայն ընդդիմադիր կուսակցությունները հրաժարվել են մասնակցել քվեարկությանը:
Բալկանյան երկրի օրենսդրության համաձայն՝ նոր նախագահ չընտրելու դեպքում նշանակվում են արտահերթ խորհրդարանական ընտրություններ:
