Բոլորը խոստովանել են, որ «Զանգեզուրի միջանցք» գաղափարը չի իրականանա․ Ադրբեջանում Իրանի դեսպան
«Զանգեզուրի միջանցքի»
գաղափարի նման նարատիվները չեն կարող կյանքի կոչվել։ Այս մասին հայտարարել է Ադրբեջանում
Իրանի դեսպան Սեյեդ Աբբաս Մուսավին «Արաքսի միջանցքը» թեմայով մասնագիտացված նիստում,
գրում է «Pars today» լրատվականը։
«Բոլորը խոստովանել են, որ Զանգեզուրի միջանցքի նման նարատվիները չեն կարող իրագործվել։
Այս համատեքստում Արաքսի ճանապարհային միջանցքի ստեղծման մասին Ադրբեջանի և Իրանի պայմանավորվածությունը
պատեհ հնարավորություն է»,– ասել է դեսպանը:
Նա նշել է, որ Լեռնային
Ղարաբաղի շուրջ տեղի ունեցած իրադարձություններից հետո առաջ են քաշվել տարածաշրջանային
խաղաղ կարգավորման տարբեր բանաձևեր:
Մինչդեռ, ըստ Մուսավիի, արևմտյան երկրները տարբեր նարատիվների
միջոցով փորձել են Իրանին դուրս մղել տարածաշրջանից, սակայն տարբեր մակարդակներում
ձեռնարկված միջոցառումների արդյունքում այդ հարցն այժմ դուրս է եկել օրակարգից։
