Ինչո՞ւ է պահուստային ֆոնդը 2,3 մլրդ դրամ տրամադրել ՀՀ առողջապահության նախարարությանը
Առողջության համընդհանուր ապահովագրությանը վերաբերող խնդիրներին նվիրված ԱԺ քննարկման ընթացքում պատգամավոր Թագուհի Թովմասյանը մի քանի հարց բարձրաձայնեց, օրինակ՝ ինչո՞ւ է պետական պահուստային ֆոնդից տրվում գումար, որ հանկարծ որևէ մեկն առողջության ապահովագրության համակարգից չբողոքի, իսկ թե ինչ կլինի ընտրություններից հետո, Աստծո գործն է, ինչպե՞ս է կազմակերպվում դեղորայքի տրամադրումը:
ՄԻՊ-ին ուղղված հարցն էլ հետևյալն էր՝ ինչպե՞ս են պաշտպանվելու բժիշկների իրավունքները:
«Բժշկի ձայնը» նախաձեռնության անդամ Գևորգ Գրիգորյանն ասաց, որ դժվարանում է հասկանալ, թե ինչու է դեռ առաջին եռամսյակը չամփոփած՝ պահուստային ֆոնդը 2,3 մլրդ գումար տրամադրել Առողջապահության նախարարությանը։
«Բազմիցս ասել եմ, ասում եմ և կկրկնեմ՝ մինչև հունիսի 7-ը ամեն ինչ կանեն, որ քաղաքացիները գոհ լինեն, իսկ դրանից հետո, թե ինչ կլինի, կարևոր չէ իրենց համար… Բուժկենտրոնների տնօրենները դեռ տաք են, չեն հասկանում»,- ասաց նա:
Քննարկման ընթացքում առաջարկ հնչեց խմբեր կազմել և շրջել պոլիկլինիկաներում՝ բուժաշխատողների վիճակն ավելի լավ պատկերացնելու համար:
