2024թ․-ին Ռուսաստանում պատրաստվում են անցկացնել ԱՊՀ առաջին «Եվրատեսիլը»՝
«Intervision»-ը․ այս մասին հայտարարել է Ռուսաստանի Դաշնության վարչապետ Միխայիլ Միշուստինը
ԱՊՀ երկրների կառավարության ղեկավարների նիստին։
«Այն կարող է դառնալ ամենամյա և բաց բոլոր պետությունների մասնակցության
համար, որոնք կիսում են մեր հոգևոր արժեքները և պատրաստ են փոխադարձ հարգալից և հավասար
երկխոսության: Նման առաջին միջոցառումը նախատեսվում է անցկացնել հաջորդ տարի Ռուսաստանում:
Գործընկեր երկրների հետ, կորոշվեն ստեղծագործական մրցույթի կանոնները, մենք կձևավորենք
մշտական կազմկոմիտե և կընտրենք ազգային ժյուրիի ներկայացուցիչներին»,- նշել է Միշուստինը։
