Իրանը կշարունակի պատերազմել այնքան, մինչև Թրամփը չհասկանա իր սխալը․ Աբբաս Արաղչի
Իրանը կշարունակի պայքարել այնքան ժամանակ, մինչև ԱՄՆ նախագահ Դոնալդ Թրամփը չհասկանա Իսլամական Հանրապետությանը սպառնալու իր սխալը։
Այս մասին X սոցիալական ցանցում գրել է Իրանի արտաքին գործերի նախարար Աբբաս Արաղչին։
«Մեր հզոր զինված ուժերը կշարունակեն պայքարել այնքան ժամանակ, մինչև ԱՄՆ նախագահը չհասկանա, որ ինչպես ամերիկացիներին, այնպես էլ իրանցիներին իր պարտադրած անօրինական պատերազմը սխալ է և երբեք չպետք է կրկնվի։ Զոհերը նույնպես պետք է փոխհատուցում ստանան», – գրել է նա։
Ավելի վաղ Արաղչին ամերիկյան CBS հեռուստաալիքի հետ զրույցում հայտարարել էր, որ Թեհրանը որևէ հիմնավոր պատճառ չի տեսնում Վաշինգտոնի հետ բանակցություններ սկսելու համար և դրանք չի խնդրել։
