Շվեդիան ժամանակավորապես իր դեսպանատունը Թեհրանից տեղափոխել է Բաքու
Շվեդիան տարհանել է իր դիվանագետներին Իրանից, և դիվանագիտական առաքելությունը շարունակում է գործել Բաքվում․ հայտնել է Շվեդիայի արտաքին գործերի նախարար Մարիա Մալմյոր Ստեներգարդը։
«Հաշվի առնելով Իրանում անվտանգային իրավիճակի վատթարացումը՝ Շվեդիայի արտաքին գործերի նախարարությունը որոշել է ժամանակավորապես տեղափոխել Շվեդիայի դեսպանատան աշխատակիցներին Թեհրանից։ Դեսպանությունը շարունակում է գործել Բաքվում։ Թեհրանում անվտանգային իրավիճակը մնում է խիստ անորոշ։ Շվեդիայի ԱԳՆ-ն 2022 թվականից սկսած խորհուրդ է տալիս չմեկնել Իրան և կոչ է անում Շվեդիայի քաղաքացիներին լքել երկիրը», – նշել է նախարարը։
