Ուկրաինայի շուրջ բանակցություններն «իրավիճակային դադարի» փուլում են՝ Մերձավոր Արևելքում պատերազմի պատճառով․ Կրեմլ
Կրեմլը հայտարարել է, որ Մերձավոր Արևելքում հակամարտության սկսվելուց ի վեր Մոսկվայի, Վաշինգտոնի և Կիևի միջև ուկրաինական հակամարտությունը դադարեցնելու վերաբերյալ բանակցություններն «իրավիճակային դադարի» փուլում են․ գրում է Reuters գործակալությունը։
Հղում անելով «Известия»-ին՝ գործակալությունը գրում է, որ Կրեմլն ասել է՝ Մերձավոր Արևելքում պատերազմը կարող է Կիևին ստիպել փոխզիջման գնալ։
Կրեմլի խոսնակ Դմիտրի Պեսկովը նշել է, որ Մոսկվան հույս ունի՝ դադարը կվերանա և բանակցությունների նոր փուլ կսկսվի, երբ «մեր ամերիկացի գործընկերները» կարողանան ավելի շատ ուշադրություն դարձնել ուկրաինական խնդրին։
