Մետրոյում երթևեկությունը վերականգնվել է
Մետրոպոլիտենում առաջացած տեխնիկական խափանումը վերացվել է․ ABC Media-ի հետ զրույցում ասել է Երևանի մետրոպոլիտենի հանրային կապերի պատասխանատուն։
«Երթևեկությունը վերականգնված է, և իրականացվում է բնականոն, երկկողմանի ռեժիմով ուղևորափոխադրում»,- ասել է խոսնակը։
Ավելի վաղ Երևանի քաղաքապետարանից հայտնել էին, որ հոսանքի տատանումների հետևանքով մետրոպոլիտենի բաց հատվածում առաջացել է տեխնիկական խափանում․ մինչև երթևեկության լիարժեք վերականգնումը մետրոպոլիտենն անցել էր մեկ գծանի երկկողմանի երթևեկության։
