Էփշտեյնը մանիպուլյացիայի է ենթարկել ինձ․ Նորվեգիայի թագաժառանգ արքայադուստրը հարցազրույց է տվել
Ջեֆրի Էփշտեյնը մանիպուլյացիայի է ենթարկել ինձ․ սեռական շահագործման համար մեղադրված ամերիկացի ֆինանսիստի հետ իր հարաբերությունների մասին առաջին հարցազրույցում ասել է Նորվեգիայի թագաժառանգ արքայադուստր Մետտե-Մարիտը։
«Ինձ համար անչափ կարևոր է պատասխանատվություն կրել նրա մասին տեղեկատվությունը մանրակրկիտ չուսումնասիրելու համար։ Եվ պատասխանատվություն կրել այն բանի համար, որ թույլ եմ տվել ինձ այսպես մանիպուլացնել ու խաբել», – ասել է Մետտե-Մարիտը NRK պետական հեռարձակողին տված հարցազրույցում։
Հարցազրույցում, որը թագավորական պալատը կրճատել է մինչև 20 րոպե՝ արքայադստեր առողջությանը հղում անելով, Մետտե-Մարիտը չի բացահայտել այն ընկերոջ անունը, որն իրեն ծանոթացրել է Էփշտեյնի հետ։
Նա նաև խուսափել է որոշ հարցերից, մասնավորապես ասելով, որ չի հիշում, թե ինչ տեղեկություններ է գտել նրա մասին համացանցում նրա հետ հանդիպումից հետո։
Էփշտեյնի արխիվի հրապարակումից հետո նորվեգական լրատվամիջոցները հայտնել էին, որ Մետտե-Մարիտն ակտիվորեն նամակագրության մեջ է եղել ամերիկացու հետ, մի քանի անգամ հանդիպել է նրա հետ, և որ նրանց հաղորդակցության տոնը որոշ օգտատերերի կողմից ընկալվել է որպես «ինտիմ»։
Ավելի վաղ Նորվեգիայի թագաժառանգ արքայադուստրը ներողություն էր խնդրել Էփշտեյնի հետ ընկերության համար։
