«Վեոլիա ջրի» վարքագծի դրսևորումների համար ընկերությունից բացի կարող եք մեղադրել նաև կառավարությանը. Արփինե Հովհաննիսյան
Ստացել եմ «Վեոլիա ջուր» ընկերության վերաբերյալ մեր նամակին ի պատասխան` Մրցակցության և սպառողների հանձնաժողովի որոշումը․ գրել է արդարադատության նախկին նախարար Արփինե Հովհաննիսյանը։
«Նամակը վերահասցեագրել են տարածքային կառավարման և ենթակառուցվածքների նախարարություն:
Հաջորդ շաբաթ ես կանդրադառնամ այս որոշման կայացմանը, կայացնողներին, նրանց ոչ անկախ լինելուն, որոշման աբսուրդ լինելուն, իրավաբանությունը արհեստի վերածած քառակուսի չինովնիկներին ու մեր հաջորդ քայլերին:
Այս պահի համար արձանագրենք` հանձնաժողովն ասել է, որ մեր բոլոր հարցերի պատասխանատուն ՀՀ կառավարությունն է:
«Վեոլիա ջուր» ընկերության վարքագծի բոլոր դրսևորումների համար այսուհետ ազատ եք «Վեոլիա»-ից բացի կամ զուգահեռ մեղադրել ՀՀ կառավարությանը: Նրանք դարձան «Վեոլիա»-ի ու նրանց հարուցած բոլոր խնդիրների խնամակալն ու հովանավորը:
Ամեն ինչի մասին հերթով: ՀՀ քաղաքացիներին չեք ծաղրելու ու նորմալ ջուր մատակարարելու եք: Կամ կոպեկ առ կոպեկ չմատակարարված ջրի, վտանգավոր ջրի համար վճարված գումարը հետ եք տալու»,- նշել է նա։
