Այո՛, պատերազմները եղել են մեր օրոք, բայց չափազանցություն է, թե մենք ենք պատերազմ բերել․ Արարատ Միրզոյանի ճեպազրույցը՝ կետերով
ՀՀ արտգործնախարար Արարատ Միրզոյանը խորհրդարանում պատասխանել է լրագրողների հարցերին։ Ճեպազրույցի առանցքային կետերը ներկայացնում ենք ստորև․
- Պատերազմի սպառնալիքի մեջ շանտաժի էլեմենտ տեսնո՞ւմ եմ, ո՛չ, ինչո՞ւ ենք անում, լա՛վ ենք անում մեր քաղաքական իրավունքն է։
- Ես կարծում եմ ժամկետը, այն է` սեպտեմբերը, վարչապետը պայմանական է ասել, նկատի ունի ընտրություններից կարճ ժամանակ անց պատերազմ կլինի։
- Ընդդիմադիրների գաղափարախոսությունն այն է, որ Հայաստանի գրեթե բոլոր հարևան երկրների հետ տարածքային խնդիրներ կան, պահանջներ ունենք։
- Ակնհայտ է, որ այս մտայնությամբ մարդիկ, եթե գան իշխանության, անմիջապես խնդիր է առաջանալու հարևանների հետ, շատ մեծ հավանականությամբ Հայաստանն անմիջապես կկանգնի նոր պատերազմի առաջ։
- Այո՛, պատերազմները եղել են մեր օրոք, բայց եղել է 30+ տարիների սխալ քաղաքական մտքի շրջանակներում մնալու հետևանքով, չհասկանալու հետևանքով, բայց որ մենք ենք բերել՝ մեծ չափազանցություն է։
- Հայաստանի դեմ հիբրիդային պատերազմ է տարվում, մի մասն արվում է լրատվամիջոցների միջոցով և այդ սուտ տեղեկությունների մի մասի թելերը տանում են դեպի Ռուսաստան։
- Կա՞ն ՌԴ պատգամավորներ, որոնք Հայաստանի իշխանության դեմ ասում են բաներ, որի իրավունքը չունեն՝ կարող եք տեսնել, կարո՞ղ եք տեսնել փորձագիտական շրջանակներից նման բաներ՝ կարող եք տեսնել։
- Ինչ-որ շրջանակներ, երբ լսում են «Եվրամիություն» բառը, խրտնում են և մտածում են՝ եկել են մեզ կուլ տան, եկել են մեզ կտրեն, հենց Եվրամիություն լսում են՝ «չոքերները» թուլանում է։
