Առաջ այդ սպառնալիքներն Ալիևն էր հնչեցնում, հիմա՝ ինքը, չեմ բացառում, որ վաղը դուետով հնչեցնեն․ Ռոբերտ Քոչարյանի հարցազրույցը՝ կետերով

Առաջ այդ սպառնալիքներն Ալիևն էր հնչեցնում, հիմա՝ ինքը, չեմ բացառում, որ վաղը դուետով հնչեցնեն․ «Մեծ քաղաքականություն» փոդքաստի ժամանակ ասել է «Հայաստան» դաշինքի առաջնորդ Ռոբերտ Քոչարյանը։

Ներկայացնում ենք Ռոբերտ Քոչարյանի հայտարարությունները՝ կետերով․

• Կարծում եք՝ Հայաստանում այլևս ընտրող չկա՞, որ լրջություն է փնտրում։ Ես այդպես չեմ կարծում։ Անլրջություն ցուցաբերենք, մեր ընտրողին կկորցնենք։ 
• Խոսքն այն մասին է՝ դու սեփական ժողովրդին հարգո՞ւմ ես, թե՞ չես հարգում։ Դու ընտրությունները կրկեսի՞ ես վերածում, թե՞ լուրջ ես վերաբերում։
• Պարադոքսալն այն է, որ նա փորձում է պատերազմի վտանգը կապել մի մարդու հետ, որի նախագահության ժամանակ ամենախաղաղ տարիներն են եղել։ Առաջ այդ սպառնալիքներն Ալիևն էր հնչեցնում, հիմա՝ ինքը։ Չեմ բացառում, որ վաղը դուետով հնչեցնեն։
• Փաշինյանը խոսում է խաղաղության պայմանագրի մասին, որը գոյություն չունի։ Սա էլ մանիպուլյացիա է․ կա մի թուղթ, որն իրավական ուժ չունի, և դրա մասին այնքան են խոսել, որ կարծես թուղթ է դարձել։ Հիմա այդ թղթի վերաբերյալ կանխատեսումներ են անում։
• Եթե իսկապես վերլուծության շնորհքն ունի, կգնա՞ր Արցախում կասե՞ր՝ «Արցախը Հայաստան է և վերջ»։ 
• Մենք ասում ենք՝ բերելու ենք երաշխավորված խաղաղություն։ Համոզված եմ, որ շատ կարճ ժամանակահատվածում կարելի է ներդնել երաշխիքային համակարգ։ Իհարկե, պատերազմ չի լինի։
• Արցախը կորցրինք մի պատճառով՝ մեկ մարդ որոշեց, որ կարող է գնալ և Արցախը ճանաչել Ադրբեջանի կազմում։