ՆԱՍԱ-ն՝ Թրամփի՝ մշտական «Լուսնային բազա» կառուցելու ծրագրի մասին
ՆԱՍԱ-ն վերանայում է իր տիեզերական հետազոտությունների ռազմավարությունը՝ մարդկանց Լուսին վերադարձնելու և այնտեղ մշտական բազա կառուցելու նոր ծրագրերով․ գրում է Euronews-ը։
Ignition միջոցառման ժամանակ ելույթ ունենալով՝ ՆԱՍԱ-ի ներկայացուցիչները նշել են, որ իրենց ծրագրերը ներառում են Լուսնի վրա ատոմային էներգիայով աշխատող տիեզերանավի փորձարկումը և Լուսնի ուսումնասիրության մրցավազքում ԱՄՆ-ի համար առաջատար դիրք գրավելու ջանքերը։
«Այս մեծ տերությունների մրցավազքում ժամանակն արագ է անցնում, և հաջողությունը կամ ձախողումը կչափվի ամիսներով, ոչ թե տարիներով», – նշվում է ՆԱՍԱ-ի պաշտոնական հայտարարության մեջ։
Նշվում է նաև, որ ԱՄՆ նախագահ Դոնալդ Թրամփն ասել է, որ Լուսնի վրա մշտական բազա կառուցելու համար ՆԱՍԱ-ն ժամանակ ունի մինչև 2030 թվականը։
