Եթե Ալեն Սիմոնյանն օրենք է խախտել, ապա տղամարդիկ պետք է մի հազար անգամ «նստած-հելած» լինեին. Ռուբինյան
ԱԺ փոխնախագահ Ռուբեն Ռուբինյանն այսօր լրագրողների հետ զրույցում հեգնանքով արձագանքեց Ալեն Սիմոնյանի մասնակցությամբ երեկվա դեպքին, երբ Աժ նախագահ Ալեն Սիմոնյանն ի պատասխան հայհոյել էր քաղաքացուն։ Ռուբեն Ռուբինյանն այս դեպքով անհրաժեշտ չի համարում Ալեն Սիմոնյանի վարքագիծը կուսակցությունում քննարկել։
«Պետք է սպանի իր մեջ մարդուն, պետք է սպանի իր մեջ էգոն, երբ որ վիրավորում են, պետք է փորձի չվիրավորվել, երբ լրագրողներն են վիրավորում, պետք է մեղմ ժպիտով ասի՝ հարգելի լրագրողներ ու պատասխանի հարցերին, երբ լրագրողները տալիս են անտակտ հարցեր, պետք է համբերատար սպասի ու ասի՝ հաջորդ հարցը»,- ասել է Ռուբեն Ռուբինյանը։
Եթե իր վարքագծով Ալեն Սիմոնյանն օրենք է խախտել, ապա, Ռուբինյանի գնահատմամբ՝ «տղամարդիկ պետք է մի հազար անգամ նստած-հելած լինեին»։
