ԱՄՆ-ը և Իսրայելը հարվածել են Իրանի միջուկային երկու օբյեկտի․ Fars
ԱՄՆ-ը և Իսրայելը հարվածել են Իրանի միջուկային երկու օբյեկտի․ գրում է Fars գործակալությունը։
Դրանցից մեկն, օրինակ, Խոնդաբի շրջանի ծանր ջրի համալիրն է։ «Այն ամերիկա-սիոնիստական թշնամին թիրախավորել է երկու փուլով։ Հարձակումների հետևանքով, բարեբախտաբար, զոհեր չկան, ու նախապես ձեռնարկված անվտանգության միջոցառումների շնորհիվ՝ բնակչությանը որևէ վտանգ չի սպառնում »,- նշում է գործակալությունը՝ հղում անելով տեղական իշխանությունների հաղորդագրությանը։
Սա առաջին դեպքը չէ, երբ Վաշինգտոնն ու Թել Ավիվը հարվածում են Իրանի միջուկային օբյեկտներին։ Որոշ ժամանակ առաջ էլ մի քանի անգամ թիրախավորել են Նաթանզի միջուկային համալիրը։
