Իրանում կարծում են՝ իրենց կոչումն ու կյանքի նպատակն է տալ աշխարհի վերջի մեկնարկը․ Ռուբիո
Մենք ստիպված կլինենք վերանայել ՆԱՏՕ-ի արժեքը մեր երկրի համար․ ինչպես հայտնում է Fox News-ը, ասել է ԱՄՆ պետքարտուղար Մարկո Ռուբիոն։
«Եթե մենք չենք կարող օգտագործել այդ բազաները, երբ դրանց կարիքն ունենք, ապա ՆԱՏՕ-ն դառնում է միակողմանի երթևեկությամբ փողոց։ Ինչո՞ւ ենք մենք ՆԱՏՕ-ի կազմում, եթե մեր կարիքի պահին չենք կարող օգտագործել այդ բազաները», – ասել է Ռուբիոն։
Անդրադառնալով Իրանի իշխանություններին` ԱՄՆ պետքարտուղարն ասել է, որ «սա մի ռեժիմ է, որը գլխավորում են մարդիկ, որոնք կարծում են, որ իրենց կոչումն ու կյանքի նպատակն է տալ աշխարհի վերջի մեկնարկը»։
«Նրանք նպատակ ունեին դառնալ հաջորդ Հյուսիսային Կորեան՝ ոչ թե խնդրահարույց և դժվարհասկանալի ռեժիմի կողմից կառավարվող Հյուսիսային Կորեա, այլ միջմայրցամաքային հրթիռներ ունեցող արմատական շիա հոգևորականների կողմից կառավարվող Իրան», – ասել է Ռուբիոն։
