Իտալուհին ճզմվել է ինտերնետ-խանութից պատվիրած ապրանքների կույտի տակ ու մահացել
Արտառոց դեպք է տեղի ունեցել Իտալիայում, բնակչուհին ճզմվել ու մահացել է առցանց խանութներից պատվիրած ապրանքների կույտի տակ․ գրում է РИА Новости-ն։
Ըստ լրատվամիջոցի՝ նրա ընկերներից մեկն է նկատել, որ կնոջից տևական ժամանակ լուր չկա։ Դիմել է համապատասխան ծառայություններին, ինչից հետո փրկարարները բնակարանում հայտնաբերել են տիկնոջ դին։
Բնակարանը վերածված է եղել իրական պահեստի՝ լի առցանց խանութներից պատվիրած ապրանքներով։ Դրանց մեծ մասը տանտիրուհին անգամ բացած չի եղել։
«Կինը տառապել է Պլյուշկինի համախտանիշով։ Այն դրսևորվում է անպետք իրերը կամ աղբը տանը հավաքելով, մեկուսացումով, անձնական հիգիենայի անտեսմամբ և կյանքի համար ոչ պիտանի պայմաններ ստեղծելով»,- նշում է աղբյուրը։
