ԵՄ-ն Մոսկվայի միջամտության մասին «երգը» կերգի նաև Հայաստանի ընտրությունների դեպքում․ Պեսկով
Եվրամիությունը տեսնում է Ռուսաստանի միջամտությունն ամեն ինչում, և նույնը կպատահի նաև Հայաստանի խորհրդարանական ընտրությունների դեպքում։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը. հայտնում է vesti.ru-ն։
Նրա խոսքով՝ եվրոպացի ներկայացուցիչների կողմից նման սադրանքները երգ են, որի նոտաներին նրանք տիրապետում են։
«Եվրոպացի ներկայացուցիչները Մոսկվայի միջամտությունը տեսնում են ամեն ինչում։ Ամենուր և ամեն ինչում։ Իհարկե, նրանք այս «երգը» կերգեն նաև Հայաստանի ընտրությունների դեպքում», – նշել է Պեսկովը։
