Փոքր հզորության ռեակտորները չեն կարող բավարարել ՀՀ պահանջները․ «Ռոսատոմ»-ի ղեկավար

Ռուսաստանը Հայաստանին առաջարկում է ատոմային էներգիայի լուծումներ, որոնք կարող են ապահովել հանրապետության էներգամատակարարումը մեկ դար շարունակ։ Այս մասին Вести-ի հետ զրույցում հայտարարել է «Ռոսատոմ» կորպորացիայի գլխավոր տնօրեն Ալեքսեյ Լիխաչովը։

«Ջրա-ջրային-440 ռեակտորն արդիականացվել է և արտադրում է մոտ 500 մեգավատտ էլեկտրաէներգիա, որը կազմում է Հայաստանի էներգետիկ համակարգի զգալի մասը՝ 30 %-ը, երբեմն ավելի` մինչև 40 %։ Այս էներգիայի աղբյուրի շահագործումից հանումն արդեն իսկ կհանգեցնի կես գիգավատտի կորստի։ Ավելին, տարեկան էներգիայի սպառման 4-5% կանոնավոր աճը կհանգեցնի նմանատիպ պահանջարկի առնվազն ևս 10 տարի»,- նշել է Լիխաչովը։

«Ռոսատոմ»-ի ղեկավարն ընդգծել է, որ դա չեն կարող բավարարել փոքր հզորության ռեակտորները, որոնք այլ երկրները կարող են առաջարկել Հայաստանին, ընդգծել է Լիխաչովը։

«Նույնիսկ միջին հզորության ռեակտորները չեն կարողանա հաղթահարել։ Խոսքը միլիոն հզորության բլոկների մասին է։ Մենք ունենք առաջարկ. մենք ունենք հուսալի, ժամանակի փորձություն անցած, տասնամյակներով ապացուցված լուծումներ։ Այս ռեակտորներից յուրաքանչյուրն ունի իր սեփական տնտեսագիտությունը, իր նրբությունները, իր նշանակալի առավելությունները։ Բայց այս լուծումներից յուրաքանչյուրը կարող է դառնալ էլեկտրաէներգիայի հիմնական, հուսալի աղբյուր մեկ դարի ընթացքում։ Հետևաբար, իհարկե, փոքր, շարժական, համեստ արտադրությունը չի լուծի Հայաստանի էներգամատակարարման հիմնական համակարգային խնդիրները», – հավելել է նա։