Պատերազմը չի կարող լուծել Իրանի միջուկային ծրագրի հարցը․ Մակրոն
Ֆրանսիայի նախագահ Էմանուել Մակրոնը Հարավային Կորեա կատարած այցի ընթացքում անդրադարձել է Իրանի և Հորմուզի նեղուցի շուրջ վերջին զարգացումներին․ գրում է Al Jazeera-ն։
Նա նշել է, որ Իրանի դեմ ԱՄՆ-ի և Իսրայելի հարձակումները չեն լուծի Իրանի միջուկային ծրագրի հարցը՝ կոչ անելով փոխարենը դիմել դիվանագիտությանը։
«Առանց դիվանագիտական և տեխնիկական բանակցությունների ձևաչափի՝ իրավիճակը կարող է մի քանի ամսից կամ մի քանի տարուց կրկին վատթարանալ»,- ասել է Մակրոնը։
Ֆրանսիայի նախագահը նաև անիրատեսական է համարել Հորմուզի նեղուցը ռազմական գործողությամբ բացելու առաջարկը։
