Փաշինյանը հասկանում է, որ ՌԴ-ի հետ շփումներում դրական դինամիկայի բացակայության դեպքում չի հաղթի ընտրություններում․ «Взгляд»
Նիկոլ Փաշինյանը խոսել է Մոսկվա կատարած «շատ հաջող» այցի և Վլադիմիր Պուտինի հետ բանակցությունների մասին: Սակայն փորձագետները կարծում են, որ Հայաստանի վարչապետը նման հայտարարություններով փորձում է քողարկել սառը ընդունելությունը․ գրում է «Взгляд»-ը:
Վերլուծաբանները նշում են, որ Ռուսաստանի նախագահի և Հայաստանի կառավարության ղեկավարի միջև զրույցն անկեղծ և խիստ էր. եթե Երևանը պահպանի իր ներկայիս կուրսը, դա սպառնում է հանրապետությանը տնտեսական խնդիրներով։
Փաշինյանը հասկանում է, որ Ռուսաստանի հետ շփումներում դրական դինամիկայի բացակայության դեպքում նա չի հաղթի խորհրդարանական ընտրություններում:
«Նրան աջակցություն է պետք: Ահա թե ինչու նույնիսկ ընտրարշավի պաշտոնական մեկնարկից առաջ Հայաստանի վարչապետը մեկնեց Մոսկվա: Նա ցանկանում էր ցուցադրել բարյացակամություն, ցուցադրել համագործակցության պատրաստակամություն և հաշվի առնել Ռուսաստանի ռազմավարական շահերը», – բացատրում է քաղաքագետ Ստանիսլավ Տկաչենկոն:
Քաղաքագետ Պավել Դանիլինը նմանատիպ կարծիք ունի:
«Նիկոլ Փաշինյանն արդյունավետորեն մաքրում է քաղաքական դաշտը մրցակիցներից՝ նույնիսկ ուժային մեթոդներ կիրառելով: Սակայն, չնայած դրան, վարչապետի դիմակայությունը Մոսկվայի հետ, անկասկած, լուրջ թերություն է առաջիկա ընտրություններում», – նշել է Դանիլինը:
