Իրանը ճանաչողները գիտեն, որ այս երկրի ռազմաքաղաքական միտքը իրանական արևմտյան սահմանը մշտապես դիտարկել է խոցելի. իրանագետ
Ամերիկյան «New York Times»-ն, ըստ ԱՄՆ-ի հետախուզությունում ունեցած իր աղբյուրների՝ տեղեկացնում է, որ Իրանը օգտագործում է կեղծ թիրախներ, և կարողանում է ժամերի ընթացքում վերականգնել հասանելիությունը ռմբակոծված իր ստորգետնյա ռազմական ենթակառուցվածքներին. գրել է իրանագետ Վարդան Ոսկանյանը։
«Իրանը ճանաչողները գիտեն, որ այս երկրի ռազմաքաղաքական միտքը իրանական արեւմտյան սահմանը մշտապես դիտարկել է խոցելի՝ հենվելով նաև պատմական փորձի վրա, երբ Ալեքսանդր Մակեդոնացին կամ արաբները կարողացել են ներխուժել Իրան հենց արեմուտքից։
Սա հաշվի առնելով էլ իրանցիները մշտապես ձգտել են իրականացնել մի ռազմավարությունը, ըստ որի՝ Իրանի դե ֆակտո պաշտպանական գիծը արևմուտքում պետք է ձգվի առնվազն մինչև Իրաքի խորք և ավելի անդին, իսկ ռազմական կարողությունների հիմնական մասը տեղակայվի կենտրոնական և արևելյան շրջաններում։
Այս երկու ուղղություններն էլ այժմ աշխատում են՝ Իրաքում ակտիվորեն գործում են իրանամետ խմբավորումները, իսկ հրթիռային և ԱԹՍ-երի պաշարները համալրվում են ավելի հեռավոր շրջանների ենթակառուցվածքների միջոցով»,- գրել է նա։
