Անընդունելի է ազգային արժեքների անտեսումն ու խեղաթյուրումը, ինչպես նաև պառակտման սերմանումը․ Գարեգին Բ-ի պատգամի առանցքային կետերը
Ամենայն հայոց կաթողիկոս Գարեգին Բ-ն պատգամ է հղել Քրիստոսի Սուրբ Հարության տոնին, որի առանցքային կետերը ներկայացնում ենք ստորև․
- Արցախյան ողբերգական պատերազմից տարիներ անց տագնապներն ու մտահոգությունները դեռ չեն լքել մեր սրտերը։
- Ցավս խորանում է Արցախահայության իրավունքների ոտնահարումով։
- Պահանջում եմ ազատ արձակել պատանդ առված ու ապօրինի ազատազրկված հայրենակիցներին։
- Աղոթում եմ անհետ կորածների և նրանց ընտանիքների համար։
- Կեղծ ու շինծու մեղադրանքներով իշխանությունների կողմից բռնաճնշումներ են իրականացվում եկեղեցու նկատմամբ։
- Դատապարտում եմ կամայական ու ընտրովի արդարադատությունը։
- Անընդունելի է ազգային արժեքների անտեսումն ու խեղաթյուրումը, ինչպես նաև պառակտման սերմանումը։
- Կոչ եմ անում ամրապնդել պետականությունը և հրաժարվել կործանարար ու վնասակար երևույթներից։
- Սերը, համերաշխությունը և միասնությունն են ազգային առաջընթացի անխորտակելի հիմքը։
- Աղոթք եմ բարձրացնում հայրենի երկրի խաղաղության և ապահովության համար։
