2024-ին զինվորը մահացել էր սառը ջրով լողանալու հետևանքով․ նման բան կա մեկ էլ աֆրիկական երկրներում․ պատգամավոր
Ազգային ժողովի «Քաղաքացիական պայմանագիր» խմբակցության պատգամավոր Հայկ Սարգսյանն այսօր խորհրդարանում ուշագրավ հայտարարություն արեց՝ անդրադառնալով 2024-ին բանակում մահվան դեպքերից մեկին։
«Զինվորը թոքաբորբ էր ընկել, մահացել։ Պարզվեց՝ հիվանդացել էր սառը ջրով լողանալու հետևանքով։ Պաշտպանության նախարարին ասացի՝ ինչպե՞ս անենք, որ զինվորն ամեն օր լողանա։ Արձագանքեց, թե մի շարք երկրներում դա նորմալ է, որ զինվորները շաբաթը մեկ են լողանում։ Ուսումնասիրեցի ու ի՞նչ պարզվեց, որ «էդ մի շարք երկրների» մեջ են մտնում մենակ աֆրիկական ու նմանատիպ թերզարգացած երկրները»,- ներկայացրեց նա։
