Հնդկաստանում պետական սահմանը կարող են «հսկել» նաև օձերն ու կոկորդիլոսները
Հնդկաստանը պետական սահմանների պահպանության համար կարող է «գործի դնել» օձերին ու կոկորդիլոսներին․ գրում է The Hindu թերթը։
Խոսքը Հնդկաստան-Բանգլադեշ սահմանի դժվարմատչելի հատվածների մասին է։ Ըստ թերթի՝ աղտոտ և ճահճային գետերի ու տարածքների պատճառով այդ մասում հնարավոր չէ տեղադրել ինժեներական արգելապատնեշներ։
Այդ իսկ պատճառով որպես բնական «արգելապատնեշ» առաջարկվում է օգտագործել օձերի և կոկորդիլոսների «ներուժը»։
«Առաջարկությունը դեռ ուսումնասիրվում է, քանի որ դա կյանքի կոչելը կարող է վտանգ ներկայացնել տարածքի խաղաղ բնակչության համար»,- մանրամասնում է աղբյուրը։
