Նեթանյահուն և ես հրահանգել ենք շարունակել բարձր ինտենսիվության հարվածներն իրանական ռեժիմի դեմ․ Իսրայել Կաց
Իսրայելի ՊԲ-ն հարված է հասցրել Իրանի ամենամեծ նավթաքիմիական գործարանին։ Սա հաջորդել է անցյալ շաբաթ Իրանի երկրորդ խոշորագույն օբյեկտի վրա հարձակմանը․ հայտարարել է Իսրայելի պաշտպանության նախարար Իսրայել Կացը։
«Արդյունքում երկու օբյեկտներն էլ, որոնք միասին կազմում են Իրանի նավթաքիմիական արտադրության 85%-ը, այժմ չեն գործում։ Սա բազմամիլիարդ դոլարի տնտեսական հարված է իրանական ռեժիմին»,- ասել է նա։
«Նեթանյահուն և ես հրահանգել ենք Իսրայելի ՊԲ-ին շարունակել բարձր ինտենսիվության հարվածներն իրանական ռեժիմի ազգային ենթակառուցվածքների վրա»,- հավելել է Կացը։
