Իսրայելի ՊԲ-ն հարվածել է Իրանի բալիստիկ հրթիռների համար նյութեր արտադրող գործարանին, պայթյուններ են լսվում Թեհրանում

Իսրայելի պաշտպանության բանակը (IDF) հարվածել է Իրանում գտնվող ևս մի նավթաքիմիական գործարանի։

IDF-ի տվյալներով՝ Շիրազի մոտակայքում խոցված օբյեկտն Իրանի այն քիչ համալիրներից մեկն էր, որն արտադրում էր պայթուցիկ նյութերի և բալիստիկ հրթիռների համար կարևոր քիմիական բաղադրիչներ։

Հարվածելով օբյեկտին՝ IDF-ն, ըստ տեղեկությունների, «ավելի մեծ վնաս է հասցրել ռեժիմի ռազմական կարողություններին»։

Միևնույն ժամանակ Իրանի մայրաքաղաք Թեհրանում հզոր պայթյուններ են լսվել։

Պայթյունների ձայներ են լսվել Թեհրանի բազմաթիվ շրջաններում՝ հարավում, կենտրոնում և արևմուտքում։ Ըստ տեղեկությունների՝ ԱՄՆ-ի և Իսրայելի ռազմաօդային ուժերը լայնածավալ օդային գործողություն են իրականացնում Թեհրանում։

Թեհրանի որոշ շրջաններում ակտիվացվել են հակաօդային պաշտպանության համակարգերը։