Իրանի հետ հրադադարը «փխրուն» է․ ԱՄՆ փոխնախագահ
ԱՄՆ փոխնախագահ Ջեյ Դի Վենսը հայտարարել է, որ Իրանի հետ կնքված հրադադարը «փխրուն» է․ գրում է The Guardian-ը։
Ելույթ ունենալով Հունգարիայի մայրաքաղաք Բուդապեշտում՝ Վենսն ասել է, որ որոշ իրանցիներ «ստում են այն մասին, թե ինչի ենք մենք հասել ռազմական առումով», ինչպես նաև «համաձայնագրի բնույթի մասին»։
«Ահա թե ինչու եմ ես ասում, որ սա փխրուն հրադադար է. կան մարդիկ, որոնք ակնհայտորեն ցանկանում են նստել բանակցությունների սեղանի շուրջ և աշխատել մեզ հետ՝ լավ համաձայնագրի հասնելու համար, և կան մարդիկ, որոնք ստում են նույնիսկ այն փխրուն հրադադարի մասին, որին արդեն հասել ենք», – ասել է Վենսը։
