Հնարավորության պատուհանը պետք է օգտագործվի մշտական խաղաղության հասնելու համար. Էրդողանը՝ Թրամփին
Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Միացյալ Նահանգների նախագահ Դոնալդ Թրամփի հետ՝ քննարկելու Իրանի հետ վերջերս հաստատված հրադադարը և տարածաշրջանային ավելի լայն զարգացումները․ Anandolu-ի փոխանցմամբ՝ այս մասին հայտնել են Թուրքիայի նախագահի գրասենյակից։
Էրդողանը գոհունակություն է հայտնել հրադադարի կապակցությամբ՝ նշելով, որ 40-օրյա դժվարին ժամանակահատվածից հետո երկշաբաթյա ժամանակահատվածը կարևոր հնարավորություն է ընձեռում «առաջ շարժվելու դեպի մշտական խաղաղության համաձայնագիր»։
Թուրքիայի նախագահը նաև ընդգծել է, որ Թուրքիան կշարունակի մեծացնել իր աջակցությունը բարեկամական և եղբայրական երկրների, մասնավորապես՝ Պակիստանի հարցին առնչվող դիվանագիտական ջանքերին՝ կարգավորման հասնելու նպատակով։
