Այն, ինչ հիմա կատարվում է, ընդամենը նախընտրական զինադադարի պատկեր է, մինչև Ադրբեջանի հլու-հնազանդ մանեկենի ընտրվելը․ Լևոն Զուրաբյանի ասուլիսը՝ կետերով
Գործ ունենք հերթական մեծ խարդախության հետ․ Փաշինյանը փորձում է մի քանի վագոն բենզին բերելը, սահմանին չկրակելը ներկայացնել որպես խաղաղություն, բայց դա խաղաղություն չէ․ այսօր հրավիրած ասուլիսում ասաց ՀԱԿ վարչապետի թեկնածու Լևոն Զուրաբյանը:
Նրա ասուլիսի հիմնական հատվածները՝ կետերով․
- Իրականում Փաշինյանն ու նրա թիմը պատերազմի կուսակցություն են։
- Խաղաղության հեռանկարը կործանել է հենց ինքը՝ Փաշինյանը՝ մերժելով 2019 թվականի պլանը։
- Խաղաղությունը կառուցում են, ոչ թե մուրում։
- Իրականացնելու ենք սահմանադրական ռեֆորմ, որի նպատակն է լինելու վերադարձը դեպի կիսանախագահական համակարգ, որն ինքնին կապահովի զսպումների և հակակշիռների համակարգ։
- Մենք մտնում ենք ընտրապայքարի մեջ որպես խաղաղության, ռացիոնալիզմի, ռազմավարական հաշվարկի, լիարժեք անկախության պաշտպանության, տեխնոլոգիական հեղափոխության կուսակցություն։
- Ցավոք սրտի, Հայաստանում ձևավորվել է շատ անառողջ քաղաքական համակարգ, որտեղ մրցունակ են դառնում փողատեր մասնակիցները, էդ նույն մարդիկ ձևավորում են սոցհարցումները, տիրում լրատվամիջոցներին․ Զուրաբյանը՝ սոցհարցումներով իրենց քաղաքական ուժին տրված քիչ ձայների մասին:
- Եթե չընտրեք ՔՊ-ին, սեպտեմբերին կլինի պատերազմ՝ սա ի՞նչ է, եթե ոչ մանիպուլյացիա։
- TRIPP-ի նախագծին պետք է մասնակցեն բոշոր աշխարհաքաղաքական խաղացողները՝ Ռուսաստանը, Չինաստանը, Հնդկաստանը, Իրանը․․․Մեր մոդելը դա է։
- Այն, ինչ հիմա կատարվում է, ընդամենը նախընտրական զինադադարի պատկեր է, մինչև Ադրբեջանի հլու-հնազանդ մանեկենի ընտրվելը։
- Այս նորածին դիկտատորն իր իշխանությունը պահելու համար ոչ մի բանի առաջ չի կանգնելու։
- Մենք տարբեր պատկերացումներ ունեինք հաջողության հասնելու ուղիների մասին․ Զուրաբյանն այն մասին, թե ինչու չկայացավ ՀԱԿ-ի և «Ուժեղ Հայաստան»-ի դաշինքը։
