Dolce-ն մնում է մենա՞կ․ D&G-ի համահիմնադիրը հեռանում է նախագահի պաշտոնից՝ 450 մլն եվրո պարտքի ֆոնին

Ստեֆանո Գաբանան հրաժարական է տվել 1985 թվականին Դոմենիկո Դոլչեի հետ համահիմնադրած Dolce & Gabbana իտալական նորաձևության տան նախագահի պաշտոնից․ գրում է Euronews-ը։

Նշվում է, որ չնայած հրաժարականին՝ Գաբանան կշարունակի մասնակցել ընկերության ստեղծագործական աշխատանքներին։

63-ամյա Գաբանայի հեռանալն ընկերությունը որակել է որպես «կազմակերպչական և կառավարման էվոլյուցիայի բնական գործընթաց»։

Նախագահի պաշտոնը կստանձնի Ալֆոնսո Դոլչեն՝ Դոմենիկոյի եղբայրը․ նա կազմակերպության ղեկը կվերցնի ձեռքն այն փուլում, երբ ընկերությունը կանգնած է ֆինանսական խնդիրների առաջ, մասնավորապես՝ փորձում է հաղթահարել 450 միլիոն եվրո պարտքի հետ կապված խնդիրները։