Սա դատական նիստ չէ, սա Փաշինյանի պատանեկան վախերի իրացումն է, և իր համար քաղաքական ամենավախենալու ախոյաններից մեկի հետ հաշվեհարդար տեսնել է․ այս մասին Արմեն Աշոտյանի գործով դատական նիստի ընթացքում հայտարարել է ԱԺ «Պատիվ ունեմ» խմբակցության ղեկավար Հայկ Մամիջանյանը։
Վերջինիս խոսքով՝ այսօր փաստաբանների թիմը դիմելու է Աշոտյանի խափանման միջոցը փոխելու համար։
«Առաջ ընկնելով ասեմ՝ ինչպես նախորդ անգամ, այս անգամ նույնպես ներկայացված է երաշխավորների լայն սպեկտր Աշոտյանի համար։ Արտասահմանից ևս երաշխավորներ կան»,-նշեց նա։
Մամիջանյանը խուսափեց որոշում կայացնելուց առաջ կարծիք հայտնել, բայց նշեց․
«Քանի դեռ Նիկոլ Փաշինյանը սարսափում է Արմեն Աշոտյանից ու իր հնչեցրած քննադատությունից, կարծում եմ, որ որոշումները կայացվում են շատ ավելի հեռու, քան այս շենքում»։
