Երևանի ուղղությամբ չվերթերը վերսկսում է«Ուրալյան ավիաուղիները»

«Ուրալյան ավիաուղիներ» ավիաընկերությունը հունվարի 13-ից վերսկսում է Հայաստանի ուղղությամբ չվերթերը. այս մասին տեղեկությունը հայտնում է ավիափոխադրողի մամուլի ծառայությունը:

««Ուրալյան ավիաուղիները» գրեթե երկու տարվա դադարից հետո վերսկսում է դեպի Հայաստան թռիչքները Եկատերինբուրգից, Մոսկվայից և Սոչիից»,- ասված է հաղորդագրության մեջ:

Մոսկվայի «Դոմոդեդովո» օդանավակայանից դեպի Երևան և հակառակ ուղղությամբ չվերթերը կիրականացվեն ամեն օր՝ հունվարի 13-ից: Եկատերինբուրգից Երևան թռիչքները կվերսկսվեն առաջիկա շաբաթ օրվանից՝ շաբաթական երեք անգամ։ Սոչիից Երևան և հակառակ ուղղությամբ չվերթերը նախատեսված են հունվարի 16-ից՝ շաբաթական երկու անգամ:

Հիշեցնենք, որ «Ուրալյան ավիաուղիները» դեպի Հայաստան չվերթերը դադարեցրել էր 2022 թվականի մարտից։