Վախճանվել է Ամերիկայի հայկական համագումարի երկարամյա տարածաշրջանային տնօրեն Արփի Վարդանյանը
Վաշինգտոն – Ամերիկայի հայկական համագումարը (Համագումար) ի խորոց սրտի ցավում է Երևանում Համագումարի տարածաշրջանային տնօրեն Արփի Վարդանյանի մահը։
«Համագումարի թիմի երկարամյա և առանցքային անդամ Արփի Վարդանյանը մեր կազմակերպությանը ծառայեց բազմաթիվ պաշտոններում, թե՛ Վաշինգտոնի գլխամասային գրասենյակում, այդ թվում՝ կարճ ժամանակ որպես գործադիր տնօրենի պաշտոնակատար, թե՛ Երևանում՝ Համագումարի տարածաշրջանային գրասենյակում գրեթե երեք տասնամյակ», – ասվում է համագումարի տարածած հաղորդագրության մեջ։
«Նրա հարազատների ու բազմաթիվ բարեկամների հետ միասին Համագումարը սգում է այս անսպասելի և ողբերգական կորուստն այնպես, ինչպես դա անում են բազմաթիվ մարդիկ, ում հետ Արփին դրական հարբերություններ էր ունեցել իր անձնական շփումների և տասնամյակների ընթացքում իր վերապատրաստման ու քարոզչական աշխատանքի, ինչպես նաև հայ ժողովրդին և ժողովրդավարությանն ու մարդու իրավունքների պաշտպանությանը ծառայելու իր հաստատակամ հանձնառության միջոցով»,– ասացին Համագումարի համանախագահներ Վան Գրիգորյանն ու Էնթոնի Բարսամյանը:
Որպես մասնակի հարգանքի տուրք՝ Հայաստանի փորձնակների համար կստեղծվի Նվիրատվությունների հիմնադրամ, քանի որ նա էր այդ ծրագրի նախաձեռնողը, ինչպես նաև Համագումարի երևանյան գրասենյակում տնօրենի աշխատասենյակը կանվանակոչվի Արփի Վարդանյանի պատվին։
