Հայաստանում արդեն հաշվառված է Արցախից բռնի տեղահանված ավելի քան 42 հազար 700 անձ

Հայաստանում արդեն գրանցված է Արցախից տեղահանված 42 716 մարդ, առաջնահերթ կարգով լուծել են կենսաթոշակային տարիքի մարդկանց հաշվառման հարցերը․ այս մասին 2023 թվականն ամփոփող ասուլիսի ժամանակ ասել է ՀՀ ներքին գործերի միգրացիայի և քաղաքացիական ծառայության պետ Արմեն Ղազարյանը։

«Տեղահանվածներից 13 հազար 747–ը 63 տարեկանից բարձր քաղաքացիներ են, այսինքն՝ թոշակառուներ։ Կենսաթոշակային տարիքի մարդկանց հաշվառումն ամբողջությամբ ավարտվել է»,– ասել է Ղազարյանը։

Աշխատանքներ են տարվում հաշվառման էլեկտրոնային համակարգի լիարժեք ներդրման ուղղությամբ։ ՄՔԾ պետը շեշտել է, որ խնդիրը լուծել դեռ չի հաջողվել, ինչի հետ կապված են նաև հերթերը, բայց շուտով խնդիրը կլուծվի։