ՆԱՏՕ-ն Ռուսաստանին զսպելու համար զոհաբերում է Ուկրաինայի ժողովրդին. Պեսկով
ՆԱՏՕ-ն աշխատում է Ռուսաստանին զսպելու ուղղությամբ և զոհաբերում
է ուկրաինացի ժողովրդին Ռուսաստանի դեմ պայքարում․ այս մասին հայտարարել է նախագահի
մամուլի քարտուղար Դմիտրի Պեսկովը․ փոխանցում է ՏԱՍՍ-ը։
«ՆԱՏՕ-ն Ռուսաստանին հակառակորդ է համարում: ՆԱՏՕ-ն դաշինք է, որը
ստեղծվել է որպես առճակատման գործիք, այն ստեղծվել է, որպես մեզ զսպելու գործիք»,- ասել է Պեսկովը լրատվամիջոցներին։
Ուստի, նրա կարծիքով, այնտեղ ինչ էլ որ հորինվի, ինչ հայտարարություններ
էլ արվեն, դաշինքի հիմնական նպատակը հենց դա է։
«Բնականաբար, դաշինքը վերլուծում է իրավիճակը։ Ամեն դեպքում ալյանսը դեռ չի հրաժարվում Ռուսաստանին, այսպես ասած,
զսպելու իր պլաններից, նաև ուկրաինացի ժողովրդի սպանդից, որպես Ռուսաստանի դեմ պայքարի
ծիսական զոհերի»,-ասել է Պեսկովը։
