Հայաստանը վերածվել է աշխարհաքաղաքական տարբեր կենտրոնների բախման կիզակետի․ Գևորգ Գալթակյան
Գաղտնիք չէ, որ աշխարհում տեղեկատվական պատերազմ է ընթանում, և տարբեր աշխարհաքաղաքական խաղացողներ իրենց խոսույթն են ներկայացնում տիրող իրավիճակի վերաբերյալ: Հարավային Կովկասում Հայաստանի և Ադրբեջանի կողմից երկու տարբեր ընկալումներ կան խաղաղ ապրելու տեսլականի շուրջ: Թուրքագետ Գևորգ Գալթակյանի դիտարկումները՝ «խաղաղության խաչմերուկի» և «Զանգեզուրի միջանցքի» վերաբերյալ։
«Հետաքրքրական է, որ հայկական խաչմերուկի տեսահոլովակից հետո թուրքական լրատվամիջոցներում տարածվում է քարոզչական թեզ, թե իբր ՀՀ իշխանությունները փաստացի ընդունել են Զանգեզուրի միջանցքի գաղափարը ուղղակի դրան ուրիշ անուն են տալիս, իսկ այդ անունը Թուրքիայի և Ադրբեջանի կողմից ընդունելի չէ, ըստ որում, ներկա իրավիճակը որակվում է որպես, ոչ ավել ոչ պակաս՝ Հայկական փակուղի: Այստեղ մենք հերթական անգամ ականատես ենք լինում, որ հայ-թուրքական և հայ-ադրբեջանական բանակցություններում կողմերը խոսում են տարբեր եզրույթներով և ունեն տարբերվող պատկերացումներ»,- ասել է թուրքագետը:
Գալթակյանի խոսքով՝ Հայաստանը վերածվել է աշխարհաքաղաքական տարբեր կենտրոնների բախման կիզակետի, իսկ լուծումը մեկն է՝ ուշիուշով հետևել տեղի ունեցող սրընթաց զարգացումներին և ունենալ լավ մշակած արդյունավետ ռազմավարություն:
Մանրամասները՝ տեսանյութում:
