Քննարկվում է Ռուսաստանի, Հայաստանի, Ադրբեջանի և Իրանի միջև էներգետիկ կամրջի ստեղծումը. Իրանում ՌԴ դեսպան
Շահագրգիռ կողմերը բանակցում են Ռուսաստան-Անդրկովկաս-Իրան էներգետիկ կամրջի ստեղծման շուրջ։ Այս մասին հայտարարել է Իրանում ՌԴ դեսպան Ալեքսեյ Դեդովը, փոխանցում է РИА Новости-ն։
Դիվանագետը պարզաբանել է, որ դրա միջոցով երկու ուղղություններով էլեկտրաէներգիա կմատակարարվի պիկ ծանրաբեռնվածության ժամանակ։
«Նախագիծը, որը բանակցվում է, Ռուսաստան-Անդրկովկաս-Իրան էներգետիկ կամրջի ստեղծումն է»,- նշել է Դեդովը։
Նա նշել է, որ էլեկտրաէներգիայի փոխանակումն ու փոխանցումը տեղի կունենա Ռուսաստանի, Հայաստանի, Ադրբեջանի և Իրանի միջև։
