Մոսկվան անհանգստացած է հայ-ադրբեջանական սահմանին իրավիճակի վատթարացմամբ և երկրներին կոչ է անում զսպվածություն դրսևորել և քայլեր ձեռնարկել լարվածության թուլացման համար, ասել է ՌԴ ԱԳՆ պաշտոնական ներկայացուցիչ Մարիա Զախարովան։
«Մենք լրջորեն մտահոգված ենք այս դրսևորմամբ: Մենք խստորեն կոչ ենք անում Բաքվին և Երևանին զսպվածություն ցուցաբերել, քայլեր ձեռնարկել լարվածության թուլացման ուղղությամբ և խուսափել իրավիճակի հետագա ցանկացած քայլից, որը կվատացնի իրավիճակը։ Բոլոր ի հայտ եկած խնդիրները պետք է լուծվեն բացառապես խաղաղ քաղաքական և դիվանագիտական ճանապարհով»,- ասել է Զախարովան ճեպազրույցի ժամանակ։
