Արթուր Ալեքսանյանը՝ Եվրոպայի 7-ակի չեմպիոն
Ռումինիայի մայրաքաղաք Բուխարեստում ընթացքի մեջ գտնվող ըմբշամարտի Եվրոպայի առաջնությունում օրը Հայաստանի համար կրկին չեմպիոնական էր։
Հունահռոմեական ոճի 97 կգ քաշային կարգի եզրափակչում Հայաստանի ներկայացուցիչ , Եվրոպայի և աշխարհի բազմակի չեմպիոն, օլիմպիական չեմպիոն Արթուր Ալեքսանյանը 6:3 հաշվով առավելության հասավ չեզոք դրոշի ներքո հանդես եկող ռուսաստանցի Մագոմեդ Մուրթազալիևի նկատմամբ և 7-րդ անգամ հռչակվեց Եվրոպայի չեմպիոն։
Այսպիսով, այսօր ավարտվեց Հունահռոմեական ոճի ըմբշամարտի Եվրոպայի առաջնությունը, որտեղ Հայաստանի հավաքականը 2 ոսկե և մեկ բրոնզե մեդալ նվաճեց։ Ազատ ոճայինների ըմբշամարտի Եվրոպայի առաջնությունը կմեկնարկի փետրվարի 16-ին։
