ՆԱՏՕ-ն ուկրաինացի զինվորականների համար ուսումնական կենտրոն կստեղծի․ El País
ՆԱՏՕ-ն ուկրաինացի զինվորականների համար նախատեսում է ստեղծել կրթության և վերապատրաստման կենտրոն․ հայտնում է իսպանական El País թերթը՝ հղում անելով աղբյուրներին։
Ըստ պարբերականի՝ նոր նախագիծը, որը կլրացնի Եվրամիության առաքելությունը և որոշ արևմտյան երկրների ծրագրերը, կոչված է օգնելու Կիևին ոչ միայն իր զինվորներին և զինվորականներին պատրաստելու, այլև նրանց ռազմավարություն և պաշտպանական ունակություններ ձեռք բերելու համար: Նպատակն է աջակցել Ուկրաինային և օգնել նրա ուժերը համապատասխանեցնել ՆԱՏՕ-ի չափանիշներին:
Մինչ այժմ ՆԱՏՕ-ն խուսափում էր քայլեր կատարել, որոնք Ռուսաստանը կարող էր մեկնաբանել որպես սպառնալիք։ Սակայն նոր կենտրոնն այս առումով փիլիսոփայության փոփոխություն է ներկայացնում․ նշում է թերթը։ Այժմ ՆԱՏՕ-ի դաշնակիցները քննարկում են, թե ինչպես է ֆինանսավորվելու նախաձեռնությունը և ովքեր են լինելու հրահանգիչները։
Դաշինքի պաշտպանության նախարարները, որոնք կհանդիպեն փետրվարի 14-ին և 15-ին Բրյուսելում, ակնկալում են նախապատրաստել նախագծի մանրամասները, որը ակնկալվում է, որ վերջնական հաստատումը կստանա հուլիսին Վաշինգտոնում կայանալիք գագաթնաժողովում:
