Ուկրաինան և Գերմանիան երկկողմ համաձայնագիր են ստորագրել

Ուկրաինան և Գերմանիան երկկողմ համաձայնագիր են ստորագրել անվտանգության երաշխիքների վերաբերյալ, հայտնում է eurointegration.com.ua  կայքը՝ հղում անելով Վլադիմիր Զելենսկու մամուլի քարտուղար Սերգեյ Նիկիֆորովին։

«Ուկրաինան և Գերմանիան Ուկրաինայի նախագահ Վլադիմիր Զելենսկու Բեռլին կատարած այցի ընթացքում երկկողմ համաձայնագիր են ստորագրել անվտանգության ոլորտում համագործակցության մասին՝ շարունակելով G7-ի հռչակագիրը Ուկրաինայի անվտանգության երաշխիքների մասին»,- նշված է հրապարակման մեջ։