Հայասատանից փորձ է արվել մաքսանենգ ոսկի տեղափոխել Վրաստան

Արտասահմանցին փորձել է Հայաստանից մի քանի հազար դոլարի մաքսանենգ ոսկի տանել Վրաստան՝ հայտնում է Sputnik Գրուզիան՝ հղում անելով եկամուտների ծառայությանը:

«Վրացի մաքսավորները կանխել են «Սադախլո» անցակետի միջոցով 16,7 հազար լարի (մոտ 6,2 հազար դոլար) ոսկյա զարդերի մաքսանենգության փորձը։ Զննության ժամանակ օտարերկրյա քաղաքացուց առգրավել են 171.1 գրամ ընդհանուր քաշով ոսկյա զարդեր: Թե որ երկրի քաղաքացի է սահմանախախտը, չի նշվում»,- ասվում է հաղորդագրությունում։

Սպուտնիկ Գրուզիան հայտնում է, որ գործն ուղարկվել է Ֆինանսների նախարարության քննչական ծառայություն՝ հետագա գործողությունների համար։