Իմ տեղեկություններով՝ Փաշինյանը նախատեսում է սահմանադրորեն Հայաստանին արգելել մաս կազմել որևէ ռազմաքաղաքական դաշինքի․ Մամիջանյան
Հայաստանում օդում կախված տագնապ կա, և մեկ հարց․ այս ամենի վերջն ի՞նչ է լինելու։ ԱԺ հայտարարությունների ժամին այսպիսի հարց է բարձացրել «Պատիվ ունեմ» խմբակցութան ղեկավար Հայկ Մամիջանյանը։
Ըստ նրա՝ իրականում վերջը մոտ է՝ կա՛մ Փաշինյանի վերջն է մոտ, կա՛մ Հայաստանի։
Հայկ Մամիջանյանն առաջարկեց մի քանի իրադարձություն վերլուծել։
«Մյունխենյան այցը վերլուծել է քաղբանտարկյալ, ՀՀԿ փոխնախագահ Արմեն Աշոտյանը։ Ըստ այդմ, հետևություն անենք, որ Ադրբեջանի հերթական «ուլտիմատումն» այն է՝ առանց միջնորդների բանակցություններն իրականություն է դարձել։
Հայաստանում շատ է քննարկվում Սահմանադրական փոփոխությունների օրակարգը, որն, իմ համեստ կարծիքով, Փաշինյանը չի հասցնի։ Ըստ իմ տեղեկությունների՝ այդ գործընթացներին շարունակություն տալու դեպքում Փաշինյանը նախատեսում է Սահմանադրության մեջ ամրագրել ապադաշինքային տրամաբանություն, այսինքն ՝ սահմանադրորեն Հայաստանին արգելել մաս կազմել որևէ ռազմաքաղաքական դաշինքի»,- ասել է ընդդիմադիր պատգամավորը։
