Վրաստանի նախկին նախագահ Միխեիլ Սաակաշվիլիին ներում շնորհելու դեպքում նա կարող է ներգրավվել «հայրենիքի դավաճանություն» հոդվածով քրեական գործի մեջ, և նրա դեմ, ամենայն հավանականությամբ, հետաքննություն կսկսվի 2008 թվականի օգոստոսին տեղի ունեցած ռազմական գործողությունների վերաբերյալ։ Այս մասին լրագրողների հետ զրույցում ասել է Վրաստանիխորհրդարանի «Ժողովրդի ուժը» խմբակցության անդամ Գուրամ Մաճառաշվիլին, գրում է «Կվիրա» պորտալը։
«Այսօր մենք տեսնում ենք, որ Սաակաշվիլիի հովանավորները, այդ թվում՝ արտասահմանում, ավելի ակտիվացել են՝ նրան բանտից ազատվելու համար, և չնայած ներկայիս նախագահ (Սալոմե) Զուրաբիշվիլիի կողմից նրա նկատմամբ հասարակական արհամարհանքին, նա, իր արևմտյան կուրատորների ճնշման ներքո, կարող է ստորագրել ներման ակտ»,- ասել է պատգամավորը։
«Այս դեպքում մենք կպահանջենք քրեական գործ հարուցել Սաակաշվիլիի դեմ «հայրենիքի դավաճանություն» հոդվածով և քննել 2008 թվականի օգոստոսին ռազմական գործողությունների սկզբում նրա հրամանները», – հավելել է Մաճառաշվիլին։
Հիշեցնենք,որ Սահակաշվիլին ձերբակալվել է 2021 թվականի հոկտեմբերին՝ Վրաստան անօրինական մուտքից հետո։ Սաակաշվիլին, որը հիմա ուկրաինական քաղաքացիություն ունի, այլ ոչ թե վրացական, մեղադրվում է մի քանի քրեական հոդվածներով։
