ՌԴ Դաշնային խորհուրդը տարակուսած է ՀՀ-ում ռուսերեն դասագրքերի բաշխման գործընթացի կասեցման շուրջ
Ռուսաստանի Դաշնության Դաշնային խորհուրդը տարակուսած է Հայաստանի
կրթության նախարարության կողմից երկրի դպրոցներում ռուսերեն դասագրքերի բաշխման գործընթացի
կասեցման կապակցությամբ. այս մասին հայտնել է ՌԴ Դաշնային խորհրդի փոխնախագահ
Յուրի Վորոբյովը։
«Դասագրքերի գնման և փոխանցման նախաձեռնությունը եղել է Հայաստանի
Ազգային ժողովից, և ռուսական կողմը բյուջետային միջոցներ է գտել ավելի քան
50 հազար դասագրքերի գնման և ռուսերեն ուսուցմամբ հայկական դպրոցներին անվճար փոխանցելու
համար։ Նոյեմբերի 11-ին հանրապետություն են առաքվել դասագրքեր, սկսվել է դրանց բաշխումը
դպրոցներում, սակայն խնդիրներ են առաջացել»,- ասել է նա և հավելել, որ Բիշքեկում ռուսական
պատվիրակությունը հարցը բարձրացրել է Հայաստանի Ազգային ժողովի փոխնախագահին
«Սա տարօրինակ է, քանի որ հայ գործընկերներն իրենք են ուղարկել
անհրաժեշտ նյութերի ցանկը: Մենք հուսով ենք, որ մոտ ապագայում խոչընդոտները կվերացվեն»,-
ասել է Վորոբյովը:
